क्यानडाको संसद्मा भागवद् गीता महोत्सवको आयोजना
न्यूजडेली नेपाल
क्यानडामा अन्तर्राष्ट्रिय भागवद् गीता महोत्सव आयोजना गरिएको छ । त्यस अवसरमा क्यानडाको संसद् हाउस अफ कमन्सको पुस्तकालयमा भागवद् गीता पुस्तक राखिएको थियो ।
उक्त कार्यक्रममा हाउल अफ कमन्सका सदस्य चन्द्र आर्यले नोभेम्बर महिनालाई हिन्दू सम्पदा महिनाका रूपमा मनाउने विधेयकमा जोड दिएका छन् । यस विधेयकलाई गत मार्च महिनामा क्यानाडाको संसद्मा प्रस्तुत गरिएको थियो ।उनले क्यानडाको सामाजिक एवम् आर्थिक विकासमा हिन्दू क्यानाडाली नागरिकले गरेको योगदान र क्यानाडाली समाजमा उनीहरूले गरेको सेवालाई क्यानाडा सरकारले मान्यता दिनुपर्ने बताए ।
भारत सेवाश्रम सङ्घ क्यानडाले जारी गरेको विज्ञप्तिअनुसार क्यानडाको संसद्मा भदौ ३१ देखि असोज २ गते सम्म गीता महोत्सव आयोजना गरिएको हो । महोत्सवको समापनमा शोभायात्राको आयोजना गरिएको थियो ।
