नेपाली कांग्रेसका महामन्त्री गगन थापाले आफू काठमाडौं क्षेत्र नम्बर ४ बाटै प्रतिनिधिसभा निर्वाचन लड्ने बताएका छन् । बुधबार साँझ सामाजिक सञ्जालमार्फत उनले आफूले काठमाडौं निर्वाचन क्षेत्र नम्बर ४ बाट नै उमेदवारीको तयारी गरिरहेको बताएका हुन् ।

साथै उनले स्वाभाविक रूपमा आफू काठमाडौं ४ बाटै उमेदवार हुने बताएका छन् ।उनको नामबाट कास्की १ मा आवेदन परेको थियो ।

“कास्की क्षेत्र नम्बर १ मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उमेदवारका लागि मेरो पनि नाम प्रस्तुत गर्नुभएकोमा त्यो सद्भावका लागि धन्यवाद ! मैले काठमाडौं निर्वाचन क्षेत्र नम्बर ४ बाट नै मेरो उमेदवारीको तयारी गरिरहेको छु र स्वाभाविक रूपमा म उमेदवार हुने यहीँबाट हो,” उनले भनेका छन् ।