आर्थिक वर्ष ७८/७९ को चौथो त्रैमासमा फर्स्ट माइक्रोफाइनान्सको खुद नाफा ८७.८२ प्रतिशतले बढेको छ ।  अघिल्लो आर्थिक वर्षमा कम्पनीको खुदनाफा १४ करोड ३१ लाख रहेकोमा आर्थिक वर्ष ७८/७९ मा बैंकको नाफा बढेर २६ करोड ८८ लाख  पुगेको हो ।

कम्पनीको खुद ब्याज आम्दानी ६०.८४ प्रतिशतले बढेर ४२ करोड ७२ लाख पुगेको छ । यस अवधिमा कम्पनीको वितरणयोग्य मुनाफा २० करोड ९५ लाख रहेको छ ।

कम्पनीको सापटी ९.८३ प्रतिशतले बढेर ९ अर्ब ४५ करोड पुगेको छ भने कम्पनीको कर्जा प्रवाह २७.२२ प्रतिशतले बढेर १० अर्ब ४० करोड पुगेको छ । कम्पनीको खराब कर्जा शुन्य छ ।