अमेरिका र मेक्सिको सीमा नजिकै एक ट्रकभित्र ४६ शव फेला परेका छन् । मृत अवस्थामा फेला परेका सबैजना आप्रवासी हुन सक्ने सीएनएनले जनाएको छ ।

सान आन्तनियो सहरको बाहिरी क्षेत्रमा बेवारिसे अवस्थामा रहेको लरीमा ती शव फेला परेका थिए ।छिमेकी मुलुक मेक्सिकोबाट गैरकानुनीरुपमा अमेरिका प्रवेश गरेका आप्रवासी हुन सक्ने अनुमान गरिएको समाचारमा जनाइएको छ ।

सो क्षेत्रमा अत्यधिक गर्मी रहेको र लरीभित्र उनीहरुको गर्मीकै कारण ज्यान गएको पनि हुन सक्ने अनुमान गरिएको छ । मृत्यु भएका आप्रवासी कुन देशका हुन भन्ने अझै पुष्टि हुन नसकेको बीबीसीले जनाएको छ ।