ललितपुर महानगरपालिकाको मेयरमा चिरिबाबु महर्जन फेरि निर्वाचित भएका छन् । ४२ हजार ७२२ मतसहित महर्जन नेपाली कांग्रेसबाट फेरि ललितपुरको मेयरमा निर्वाचित भएका हुन् ।

एमालेका हरिकृष्ण ब्यञ्जनकारको भन्दा १८ हजार १६२ मत बढी ल्याएर महर्जनले जित हासिल गरेका हुन् । ब्यन्जनकारले २४ हजार ५६० मत मात्रै पाएका छन् । यसअघि२०७४ सालको स्थानीय तहको चुनावमा पनि हरिकृष्ण ब्यञ्जनकारलाई नै पराजित गर्दै चिरिबाबु मेयर बनेका थिए ।अघिल्लो निर्वाचनमा महर्जनसँगै झिनो मतान्तरले पराजित व्यञ्जनकारको यसपटक हारको बदला लिने रणनीति असफल बन्यो । बरु उनको नतिजा थप खस्किन पुग्यो । चिरिबाबुसँग हरिकृष्ण विजयी हुनुको साटो १८१६२ मतान्तरले पराजित भएका छन् ।