स्थानीय तह निर्वाचन अन्तर्गत आइतबार र सोमबार भएको उमेदवारी मनोनयको तथ्यांक संकलन भइरहेको छ । निर्वाचन आयोगले जिल्ला र प्रदेश अनुसार उमेदवारी दर्ता भएको तथ्यांक प्रणालीमा प्रविष्ट गरिरहेको छ ।

जसअनुसार आज दिउँसो ३ः१५ सम्ममा कुल एक लाख ४७ हजार २७४ जनाको उमेदवारी मनोनयनको तथ्यांक प्राप्त भएको आयोगले जनाएको छ । जसमा मेयरमा ३ हजार ४३०, उपमेयरमा २ हजार ९७, अध्यक्षतर्फ ३ हजार ३६३, उपाध्यक्षर्फ २ हजार ३८२ को उमेदवारी परेको छ ।

त्यसैगरी, वडा अध्यक्षमा ३४ हजार ३५७ महिला सदस्यमा २५ हजार ३४५, दलित महिला सदस्यमा २२ हजार ८९९ र सदस्यमा ५३ हजार ४०१ जनाको उमेदवारी परेको आयोजले जनाएको छ ।