युरोपेली संघको सदस्य बनाउन युक्रेनले अनुरोध गरेको छ ।

युरोपेली क्षेत्रमा रहेको देश भएर पनि अहिलेसम्म युरोपेली संघको सदस्य नभएको युक्रेनले रुसको आक्रमणमा परेपछि संघको सदस्य बनाउन अनुरोध गरेको हो ।युक्रेनका राष्ट्रपति भोलोदीमिर जेलेन्स्कीले तत्काल संघको सदस्य बनाउन अनुरोध गरेको जनाइएको छ ।

“अहिले हामी संकटपूर्ण अवस्थामा छौँ, यसबारेमा धेरै छलफल र बहस नगरौँ । युरोपेली संघले युक्रेनलाई जतिसक्दो चाँडो आफ्नो सदस्य बनाओस्,” उनले भने ।उनले शनिबार सामाजिक सञ्जाल ट्विटरमा लेखेअनुसार संघको सदस्यको जिम्मेवारी निर्वाह गर्न युक्रेन तयार रहेको लेखेका छन्।