डिप्रोक्स लघुवित्त वित्तीय संस्था लिमिटेडले चालू आर्थिक वर्षको दोस्रो त्रैमाससम्म रू. ३३ करोड ४४ लाखभन्दा बढी खुद नाफा गरेको छ । बिहीवार सार्वजनिक भएको कम्पनीको उक्त अवधिसम्मको वित्तीय विवरण अनुसार गत वर्षभन्दा यस वर्ष खुद नाफा ३ दशमलव २३ प्रतिशत बृद्धि भएको हो ।

गत वर्ष यस अवधिसम्म कम्पनीले रू. ३२ करोड ४० लाखभन्दा बढी खुद नाफा गरेको थियो । यस वर्ष सञ्चालन घाटामा सुधार आई रू. ४७ करोड २९ लाखभन्दा बढी सञ्चालन नाफा भएकाले कम्पनीले खुद नाफामा बृद्धि भएको हो । गत वर्ष यस अवधिसम्म कम्पनी रू. ९२ करोड ५१ लाखभन्दा बढी सञ्चालन घाटामा रहेको थियो । यस वर्ष सम्भावित जोखिम शिर्षकमा गत वर्षभन्दा कम रकम छुट्याएकाले कम्पनीको सञ्चालन घाटामा सुधार आएको हो ।गत वर्ष रू. १ अर्ब ४० करोडभन्दा बढी रकम छुट्याएको कम्पनीले यस वर्ष रू. ३ करोड ३८ लाखभन्दा बढी रकम छुट्याएको हो । कम्पनीको निष्क्रिय कर्जा यस वर्ष शून्य दशमलव ५९ प्रतिशत रहेको छ । गत वर्ष यो कर्जा अनुपात शून्य दशमलव ६२ प्रतिशत थियो । वार्षिक प्रतिशेयर आम्दानी रू. ४८ दशमलव २१ रहेको कम्पनीको प्रतिशेयर नेटवर्थ रू.१९८ दशमलव २० रहेको छ ।

३८ प्रतिशत बोनस शेयर मार्फत चुक्तापूँजी बृद्धि गरी रू. १ अर्ब ३८ करोड ७४ लाखभन्दा बढी पु¥याएको कम्पनीको जगेडा कोष रकम पनि १३ दशमलव २५ प्रतिशत बढी रू. १ अर्ब ३६ करोडभन्दा बढी कायम भएको छ । विभिन्न बैंक तथा वित्तीय संस्थाबाट १० दशमलव ४३ प्रतिशत बढी रू। ७ अर्ब ५४ करोड कर्जा सापटी लिएको कम्पनीले २३ दशमलव ४७ प्रतिशत बढी रू। १७ अर्ब ९ करोड कर्जा प्रवाह गरेको छ । निक्षेप संकलन भने गत वर्षभन्दा २७ दशमलव ८२ प्रतिशत बढी रू. ७ अर्ब ३९ करोड भएको छ ।