नेकपा (एकीकृत समाजवादी)का अध्यक्ष माधवकुमार नेपालले तीनै तहको निर्वाचन एकै पटक हुनुपर्ने बताएका छन् । बुधबार पार्टी केन्द्रीय कार्यालय तीनकुनेमा आयोजित पार्टी प्रवेश कार्यक्रममा अध्यक्ष नेपालले मुलुकको खर्च जोगाउन तीनै तहको निर्वाचन एकै पटक गर्नुपर्ने बताएका हुन् ।

एकै पटक निर्वाचन गरे उमेद्वारको पनि खर्च कम हुने उनको भनाइ छ । नेपालले संविधानलाई सर्वोपरी राखेर कानुनअनुरुप नै निर्वाचन हुनुपर्नेमा आफूहरुको जोड रहेको बताए । अध्यक्ष नेपालले राष्ट्रियसभा निर्वाचनमा सवै सीट गठबन्धन दलले जित्ने दाबी गरे । राष्ट्रियसभाको निर्वाचनको परिणामले तरंग पैदा गर्ने उनको भनाइ छ ।