नेपाली कांग्रेसका महामन्त्री गगन थापाले पार्टी सभापति शेरबहादुर देउवा पार्टीलाई एक ढिक्का बनाएर सञ्चालन गर्नमा चुक्न थालेको बताएका छन् ।

बुधबार काठमाडौंमा भएको शेखर कोइराला समूहको समीक्षात्मक छलफलमा बोल्दै महामन्त्री थापाले सभापति देउवा आफूहरूको अपेक्षाविपरीत अघि बढेको बताए । देउवाले १४औँ महाधिवेशनबाट ४० प्रतिशत जनमत पाएको शेखर समूहलाई पाखा लगाउन थालेको उनको भनाइ छ ।“४० प्रतिशत जनमतलाई पाखा लगाएर सम्माननीय सभापति पार्टीमा सफल बन्न सक्नुहुन्न,” थापाले भने ।

सम्बोधनका क्रममा महामन्त्री थापाले सभापति देउवाले पार्टीको विधि र विधानअनुरूप नचल्ने संकेत देखाएको बताए ।