नेकपा (माओवादी केन्द्र)को केन्द्रीय कमिटी बैठक आइतबार बस्ने भएको छ ।

शनिबार पार्टी केन्द्रीय कार्यालय पेरिसडाँडामा बसेको माओवादी स्थायी कमिटीको बैठकले राष्ट्रिय सम्मेलनअघि आइतबार बिहान केन्द्रीय कमिटी बैठक बोलाउने निर्णय गरेको हो ।केन्द्रीय कमिटी बैठकले राष्ट्रिय सम्मेलनमा अध्यक्ष पुष्पकमल दाहाल प्रचण्डले पेस गर्ने राजनीतिक प्रतिवेदन पारित गर्ने बुझिएको छ ।

त्यस्तै, बैठकले राष्ट्रिय सम्मेलनमा सहभागी हुने प्रतिनिधिको अन्तिम टुंगो लगाएको र छुटेका प्रतिनिधिको नाम पेस गर्न प्रदेश कमिटीलाई जिम्मा दिइएको माओवादी केन्द्रका प्रवक्ता कृष्णबहादुर महराले बताए ।राष्ट्रिय सम्मेलन आइतबार दिउँसो १ बजे उद्घाटन हुने प्रवक्ता महराले जानकारी दिए ।पुस ११ र १२ गते काठमाडौंको प्रज्ञा भवनमा माओवादी केन्द्रको राष्ट्रिय सम्मेलन हुने तय छ ।