सानिमा बैंकले काठमाडौंको बलम्बुमा बैंक शाखा स्थापना गरी बैंकिङ सेवा विस्तार गरेको छ ।  बैंकले २०७८ मंसिर २६ गते उक्त शाखा कार्यालयको उद्घाटन गरेको हो ।

बैंकका अध्यक्ष तुक प्रसाद पौडेल तथा ब्रान्ड प्रवर्द्धक कलाकारद्वय श्री मदन कृष्ण श्रेष्ठ र हरिवंश आचार्य (मह जोडी) ले संयुक्त रूपमा कार्यालयको उद्घाटन गरे । उद्घाटन् समारोहमा मह जोडीले काठमाडौंको बलम्बुमा सानिमा बैंकको कार्यालय संचालनमा आएकोमा बैंकलाई बधाई सहितै सबल अनि विश्वसनीय बैंकको रूपमा निरन्तर विस्तार हुन र थप सफलताका लागि शुभकामना व्यक्त गरे ।सानिमा बैंकका अध्यक्ष तुक प्रसाद पौडेलले बैंकका ग्राहक तथा सरोकारवालाहरूलाई निरन्तर सहयोग तथा संरक्षणका लागि कृतज्ञता व्यक्त गरे ।