कर्णाली प्रदेशमा पार्टीको निर्णय विपरीत ‘फ्लोर क्रस’ गर्न लगाएको आरोपमा नेकपा एमाले महाधिवेशन आयोजक कमिटीको बैठकले २० जनालाई अन्तिम चेतावनीयुक्त स्पष्टीकरण सोध्ने निर्णय गरेको छ ।

मुख्यमन्त्री महेन्द्रबहादुर शाहीले राखेको विश्वासको मतको प्रस्तावको विपक्षमा मतदान गर्ने निर्णय एमालेले गरेको भएपनि निर्णय विपरीत ४ जनाले पक्षमा मतदान गरेर सरकारलाई जोगाएका थिए ।
कर्णाली प्रकरणमा छलफल गर्न बसेको सोमवारको आयोजक कमिटी बैठकले ‘फ्लोर क्रस’ गर्न लगाउने नेताहरू माधवकुमार नेपाल, भीम रावल, घनश्याम भुसाल, सुरेन्द्र पाण्डे, प्रकाश ज्वाला लगायत २० जनालाई २ दिने स्पष्टीकरण सोध्ने निर्णय गरेको बालुवाटार स्रोतले जनाएको छ ।