काठमाडौं । नेपाली काँग्रेसका नेता प्रकाशमान सिंहले कम्युनिस्टहरु शासन सत्ता सञ्चालनमा पूर्ण असफल भएको बताएका छन्। यस्तो अवस्थामा कम्युनिस्टबाट सुशासनको आश राख्नु महाभुल हुने नेता सिंहको भनाई थियो।

गणेशमान सिंहको स्मृतिमा सक्षम युवा समाजले राजधानीमा आयोजना गरेको कार्यक्रममा सिंहले उक्त भनाई राखेका हुन्। कम्युनिस्टहरु शासन सत्ता संचालनमा पूर्ण रुपमा असफल भएकाले अब पनि यिनीहरु बाट सुशासनको आश राख्नु महाभूल हुने छ।

जनताले दिएको जनमतको कदर गर्न नसक्ने र पार्टीभित्रको मतभेद मिलाउन नसकेर नेकपाले संविधान माथि नै प्रहार गरेको पार्टीबाट यस्तो आश गर्न नसकिने सिंहको तर्क थियो।