यूईएफए युरोपा लिग अन्तर्गत गएराति भएको खेलमा स्पेनिस क्लब रियल सोसिडाडसँग बराबरी खेलेको इङ्ग्लिस क्लब म्यानचेस्टर युनाइटेड समग्रमा ४-० को जित निकाल्दै अन्तिम १६ मा प्रवेश गरेको छ। ओल्ड ट्राफोर्डमा गएराति सम्पन्न खेलमा घरेलु टोली युनाइटेड सोसिडाडसँग गोलरहित बराबरीमा रोकिएको थियो।

खेलको १२ औं मिनेटमा पेनाल्टीको अवसर पाएको सोसिडाडका मिकेल ओयार्जबल चुकेका थिए।

यसअघि टुरिनमा सम्पन्न पहिलो लेगमा युनाइटेडले ४-० को सानदार जित निकालेको थियो। जसमा ब्रुनो फर्नान्डेजले दोहोरो गोल गर्दा मार्कस रासफोर्ड र ड्यानियल सेम्सले समान १/१ गोल गरेका थिए।