काठमाडौं । अमृत क्याम्पस लैनचौर अगाडी विद्यार्थीहरुले प्रधानमन्त्री केपी शर्मा ओलीविरुद्ध हिजो प्रदर्शन गरेका छन् । संसद विघटन बिरुद्ध प्रचण्ड–माधव समूह निकट अनेरास्ववियूमा आवद्ध विद्यार्थीहरुले सो प्रदर्शन गरेका हुन् ।
प्रदर्शनका क्रममा विद्यार्थीले प्रधानमन्त्री ओलीको तस्बिर र पुत्ला जलाएका छन् । विद्यार्थीको हातबाट प्रहरीले पुत्ला खोसेको थियो । बिहिबार साँझ उपत्यकाका विभिन्न क्याम्पस अगाडी प्रदर्शन गर्ने कार्यक्रम राखिएको थियो।