काठमाडौं । त्रिभुवन विमानस्थलको आन्तरिक टर्मिनलमा एक यात्रुसँग ५० राउन्ड गोली फेला परेको छ। नाइन एमएमको गोली फेला परेपछि भद्रपुर जाँदै गरेका बद्रीहाङ राई पक्राउ परेका छन्।

श्री एयरलाइन्सबाट झापाको भद्रपुरको उडानका लागि जाँदै गरेका राईसँग पेस्तोलमा लाग्ने गोली फेला परेको महानगरीय प्रहरी कार्यालय रानीपोखरीका एआइजी हरिबहादुर पालले पुष्टि गरे।
यसअघि प्रहरीले बेलाबेलामा बसमा पेस्तोल र गोली बरामद गरेको भए पनि विमानबाटै ओसारपसार भने हुने गरेको देखिएको थिएन।

पालका अनुसार मेची नगरपालिका २ का बद्रीहाङ राई पक्राउ परेका हुन्। तर उनले कुन प्रयोजनका लागि गोली लैजाँदै थिए भन्ने खुलिसकेको छैन।