सत्तासाझेदार दल नेपाली कांग्रेसको केन्द्रीय कार्यसमितिको बैठक बोलाइएको छ ।

आउँदो फागुन ३ गते दिउँसो १ बजे बस्ने गरी बैठक बोलाइएको कांग्रेसका मुख्यसचिव कृष्णप्रसाद पौडेलले जानकारी दिए ।

“आगामी फाल्गुण ७—१० गते ललितपुरको गोदावरीमा हुने महासमितिको बैठक सम्बन्धमा बस्ने उक्त बैठकमा केन्द्रीय कार्यसमितिका पदाधिकारी, सदस्य र आमन्त्रित सदस्यहरूको उपस्थितिका लागि निर्देशानुसार अनुरोध गरिन्छ,” आइतबार उनले जारी गरेको विज्ञप्तिमा उल्लेख छ ।

महासमिति बैठकको एजेन्डा तय र अरू तयारीका विषयमा छलफल गर्न सो बैठक बोलाइएको विज्ञप्तिमा जनाइएको छ ।