इसेवाबाट चाडपर्वको समयमा कारोबार गर्दा तीन वटा मोटरसाइकल जित्न सकिने भएको छ । इसेवाले नेपालीहरूको महान चाड दशैं तिहारलाई मध्यनजर गर्दै “इसेवा डिजिटल उत्सव” हर्ष अझै बढ्छ अफर सार्वजनिक गरेको हो ।

यस अन्तर्गत ३७.९९ रूपैयाँ खेल खेल्दा तीन लाख ७९ हजार ९ सय रुपैयाँ मूल्यको यामाहा एफजेड भर्सन ३.० स्ट्याण्डर्ड मोटरसाइकल जित्न सकिनेछ । यसैगरी इसेवा मार्फत ३७.९९ रूपैयाँ खेल बाहेक कुनै पनि दुई वटा भिन्न कारोबार गर्दा दुई जनाले यामाहा एफआई भर्सन ३.० स्ट्याण्डर्ड मोटरसाइकल जित्न सक्नेछन् ।

इसेवा डिजिटल उत्सव अफर अन्तर्गत नै इसेवाबाट मोबाइल नम्बर प्रयोग गरी सिधै बैंक खातामा पैसा पठाउँदा १ भाग्यशाली जोडीले दुबई टुर प्याकेज पनि पाउनेछन् । साथमा कार्तिक १ गते इसेवा केअर किन्दा भाग्यशाली १ जनाले १०० गुणा क्यासब्याक पाउने अफर पनि राखेको छ ।

त्यस्तै, इसेवाबाट जहाजको आन्तरिक उडानको टिकट काट्दा भाग्यशाली ५ जनाले जोडीको लागि होटेलको स्टेकेसन प्याकेज तथा १ जनाले रियलकमी ११ एक्स ५जी पाउनेछन् । त्यसका साथै, इसेवाबाट इन्टरनेट तथा टिभीको बिल भुक्तानी गर्नेले रु ३०० सम्मको क्यासब्याक तथा सिजी डिजिटलको टिभी समेत जित्न सक्नेछन् ।

बसको टिकट काट्ने वा होटेल बुक गर्ने प्रयोगकर्ताले चितवन तथा पोखरामा ३ दिन २ रातको स्टेकेसन पनि जित्न सक्नेछन् । इसेवामा आवद्ध व्यवसायीहरूले सेमत ग्राहकहरू मार्फत क्यू–आर भुक्तानी लिँदा वासिंग मेसिन, एयर फ्रायर, स्याण्डविच मेकर लगायतको उपहार जित्न सक्नेछन् ।

अनलाइन कारोबारका लागि इसेवाबाट भुक्तानी गर्नेले बिनब्याग समेत जित्न सक्नेछन् । विदेशबाट इसेवा मनि ट्रान्सफरको साझेदार मार्फत इसेवा वालेटमा रु ५ हजार भन्दा बढीको भुक्तानी पाउने सबैले टप–अप, इन्टरनेट, होटेल, एयरलाइन्स तथा इसेवा केयर प्याकेज खरिदमा पक्का ऋबकजदबअप का लागि प्रोमो कोड प्राप्त गर्नेछन् ।