राष्ट्रिय स्वतन्त्र पार्टीका सभापति तथा सांसद रवि लामिछानेले संसद् ‘हाइज्याक’ भएको टिप्पणी गरेका छन् ।

प्रतिनिधिसभाको सोमबारको बैठकमा रास्वपाले सभामुख देवराज घिमिरेले बोल्नका लागि समय नदिएपछि सदन हाइज्याक भएको आरोप लगाएको हो ।

सभापति लामिछानेले भने, ‘संसद हाइज्याक भयो, हाइज्याक गर्न पाइँदैन,’ । एमालेले संसद्‌मा नाराबाजी गरेपछि लामिछानेले आक्रोश व्यक्त गरेका हुन् । 

रास्वपा सांसद विराजभक्त श्रेष्ठले संसद्‌मा प्रतिपक्षलाई बोल्न नदिएर विभेद गरिएको बताएका छन् ।