काठमाडौं । साढे दुई वर्षदेखि फ्रेन्च क्लब पेरिस सेन्ट जर्मेन पिएसजी सम्हालिरहेका प्रशिक्षक थोमस टुचेललाई बर्खास्त गरिएको छ । टोलीले जारी सिजनमा अपेक्षाकृत प्रदर्शन गर्न नसकेपछि बर्खास्त गरेको बताइन्छ ।

फ्रेन्च लिग वानको साविक विजेता समेत रहेको पिएसजीले यो सिजनमा अहिलेसम्म मिश्रित प्रदर्शन गरेको छ । टोली जारी सिजनमा तेस्रो स्थानमा रहेको छ ।
क्लबका केही निर्देशकहरुसँग टुचेलको असमझदारी बढेपछि क्लबले उनलाई जिम्मेवारीबाट हटाउने निर्णय गरेको बताइएको छ ।क्लबका अध्यक्ष नारिस अल खेलिफी टोलीलाई च्याम्पियन्स लिग विजेताका रुपमा हेर्न चाहन्छन् ।
तर, टुचेलले यो सिजन टोलीलाई राम्रो सुरुवात गराउन सकेनन् । गत सिजन पिएसजी क्लब इतिहासमा पहिलो पटक च्याम्पियन्स लिगको फाइनल पुगेको थियो ।यद्दपी क्लबले अझै आधिकारिक रुपमा उनलाई बर्खास्त गरेको सार्वजनिक गरेको जानकारी गराएको छैन ।