अर्जेन्टिनी फुटबल कप्तान लियोनल मेस्सी अमेरिकी क्लब इन्टर मियामी जाने भएका छन्। फ्रेन्च क्लब पेरिस सेन्ट जर्मेनबाट साउदी अरबको क्लब अह हिलाल र पूर्व क्लब बार्सिलोना जाने चर्चाबीच मेस्सी मेजर लिग सकर ९एमएलएस० मा जाने बीबीसीले जनाएको छ।

मियामीसँगको उनको सम्झौतामा एडिडास र एप्पलजस्ता ब्रान्डको साझेदारी रहेको बताइएको छ।

सात पटक विश्वकप उत्कृष्ट फुटबल खेलाडीका रुपमा बालोन डीओर जितेका मेस्सीले यसपटक पनि विश्वकप सफलताका कारण जित्ने सम्भावना छ।

अर्जेन्टिनाबाट किशोरावस्थामै बार्सिलोना आएका उनले आफ्नो करियरको अधिकांश समय ला लिगामै खेले। त्यसपछि सन् २०२१ मा उनी पीएसजी पुगेका थिए। उनी अर्को सिजन युरोपमै रहन चाहेको भए पनि सोचेजस्तो प्रस्ताव नआएको बताइएको छ। जसमा उनले साउदी क्लब अलहिलालको आकर्षक प्रस्तावलाई अस्वीकार गर्दै अमेरिका पुगेका हुन्।

दुई सिजन उनी फ्रान्समा रहँदा दुबैमा पेरिस लिगवानको च्याम्पियन बनेको थियो। दुबै पटक च्याम्पियन्स लिगमा भने असफल भएको थियो। त्यसअघि २१ वर्ष बार्सिलोनामा रहेका उनले ६७२ गोल गरेका थिए। जसक्रममा १० लालिगा टाइटल, ४ च्याम्पियन्स लिग जितेका थिए।