गएराति भएको इङ्ग्लिस प्रिमियर लिग अन्तर्गतको खेलमा वेस्टह्याम माथि चेल्सीलेसहज जित दर्ज गरेको छ। स्टामफोर्ड ब्रिजमा भएको खेलमा वेस्टह्यामलाई घरेलु टोलीले ३-० ले हराएको हो।

चेल्सीको जितमा ट्यामी अब्राहमले दुई गोल गर्दा थिएगो सिल्भाले एक गोल गरे।

घरेलु टोलीले खेलको १० औं मिनेटमै अग्रता बनाएको थियो। म्यासन माउन्टको पासमा थिएगो सिल्भाले गोल गर्दै चेल्सीलाई अग्रता दिलाएका थिए। पहिलो हाफमा चेल्सी एक गोलले अघि रह्यो।

दोस्रो हाफमा चेल्सीका अब्राहमले दुई गोल थपे। उनले खेलको ७८ रर ८० औं मिनेटमा गोल गर्दै चेल्सीको जित सुनिश्चित गरेका थिए।