मध्य मालीको एक विमानस्थल क्षेत्रमा सशस्त्र आतङ्कवादी समूह (जीएटी) ले शनिबार बिहान गरेको कार बम आक्रमणमा परी कम्तीमा नौ सर्वसाधारणको मृत्यु हुनुका साथै अन्य ६१ जना घाइते भएका छन् ।

मोप्टी प्रान्तको सेवरे विमानस्थल क्षेत्रमा रहेको ‘हवाइ शिविर १०२’ लाई लक्षित गरी गरिएको आक्रमणमा ‘महत्वपूर्ण भौतिक क्षति’ भएको मोप्टी प्रान्तको सञ्चार एकाइले जनाएको छ ।मोप्टी क्षेत्रका गभर्नर कर्णेल मेजर अबास डेम्बेले घटनास्थलमा पुगेर सोमिने डोलो अस्पतालमा घाइतेहरूलाई भेटेका छन् ।

सशस्त्र बलको सूचना तथा जनसम्पर्क निर्देशनालय (दिर्पा) ले शनिबार ट्विटरमा मालीको सशस्त्र बलले सेवारे शिविर र विमानस्थलवरपर ‘जटिल आक्रमण’ विफल पारेको घोषणा गरेको थियो ।

उनले भने, “पहिलो मिनेटदेखि नै स्थिति नियन्त्रणमा आएको छ । कारबाही जारी छ ।” सेनाको ड्रोन आक्रमणबाट विस्फोटक पदार्थले भरिएका तीन वटा सवारी साधन नष्ट भएको बताइएको छ ।