कार्यकारी अध्यक्ष पुष्पकमल दाहाल प्रचण्डलाई भेट्न प्रधानमन्त्री तथा नेकपाका अर्का अध्यक्ष केपी शर्मा ओली प्रचण्ड निवास खुमलटार पुगेका छन् ।
तीन बर्षपछि आज बिहान खुमलटार पुगेकाओली नेकपामा आन्तरिक विवाद उत्कर्षमा पुगेका बेला प्रचण्डलाई भेट्न ११बजे पुगेका हुन् ।
प्रधानमन्त्री खुमलटार जाने भएपछि त्यस क्षेत्रको सुरक्षा व्यवस्था शनिबार बिहानैबाट कडा पारिएको थियो । ओली यसअघि २०७४ सालमा खुमलटार गएका थिए ।
यसअघि बिहीबार र शुक्रबार प्रचण्ड र ओलीबिच बालुवाटारमा भेटवार्ता भएको थियो । ती भेटवार्ता सकारात्मक बन्न सकेका थिएनन् । ओली खुमलटार पुग्नुलाई राजनीतिक वृत्तमा अर्थपूर्ण रुपमा हेरिएको छ ।