फ्रान्सका राष्ट्रपति इमानुयल म्याक्रुन कोरोना भाइरसबाट संक्रमित भएका छन्। ४२ वर्षीय राष्ट्रपति माक्रोनले कोभिड १९ को लक्षण देखिएपछि परीक्षण गराएका छन्। बीबीसीका अनुसार
रिपोर्ट पोजेटिभ आएपछि राष्ट्रपति अहिले सात दिनका लागि सेल्फ आइसोलेसनमा बसेको फ्रान्सेली अधिकारीहरुले बताएका छन्।

उनमा संक्रमण पुष्टि भएसँगै कयौं युरोपियन नेताहरु समेत आइसोलेसनमा बसेको जनाइएको छ। पछिल्लो समय सँग म्याक्रुनलाई भेटेका फ्रान्सेली प्रधानमन्त्री जेन कास्टेक्स, सभामुख रिचार्ड फेरान्ड, युरोपियन काउन्सिलका प्रमुख चार्ल्स माइकल, स्पेनिस प्रधानमन्त्री पेड्रो सान्जेच लगायतका नेता पनि सेल्फ आइसोलेसनमा बसेका छन्।