सुनको मूल्य हालसम्मकै उच्च भएको छ । आज छापावाल सुनको मूल्य प्रतितोला एक लाख ६ हजार तीन सय रुपैयाँ पुगेर नयाँ रेकर्ड कायम गरेको हो । यसअघि विं सं २०७८ साल फागुन २५ गते बुधबार सुनको मूल्य तोलामा एक लाख पाँच हजार पाँच सय रुपैयाँ पुगेर नयाँ रेकर्ड कायम भएको थियो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख ६ हजार तीन सय रुपैयाँ रहेको छ भने तेजावी सुनको मूल्य प्रतितोला एक लाख पाँच हजार आठ सय रुपैयाँ रहेको छ ।

त्यस्तै, आज चाँदीको मूल्य प्रतितोला १३६५ रुपैयाँ मूल्य कायम भएको महासंघले जनाएको छ ।