संवैधानिक परिषद् सम्बन्धी अध्यादेश आएपछि सत्तारुढ दल नेकपा भित्र हलचल बढेको छ।
सरकारले अध्यादेश ल्याएसँगै नेकपाका एक अध्यक्ष पुष्पकमल दाहाल प्रचण्ड, वरिष्ठ नेताहरु झलनाथ खनाल, माधवकुमार नेपाल, उपाध्यक्ष वामदेव गौतम र पार्टी प्रवक्ता नारायणकाजी श्रेष्ठबीच खुमलटारमा छलफल भएको छ।

ुभोली बस्ने स्थायी कमिटीको बैठकमा सरकारको कदम विरुद्ध एक मत भएर अगाडि बढ्ने विषयमा छलफल भएको बुझिएको छ ।बैठकमा प्रधानमन्त्री केपी शर्मा ओलीले चालेको कदम असंवैधानिक भएको निष्कर्ष निकालिएको थियो । अध्यादेश विरुद्ध रणनीति बनाएर अगाडि बढ्ने विषयमा पनि छलफल भएको छ।खुमलटारको छलफलमा स्थायी कमिटीको बैठकमा प्रधानमन्त्री ओली माथि अनुशासनको कारवाही गर्ने प्रस्तावका विषयमा छलफल भए पनि ठोस निर्णय नभएको बताइन्छ।