बाजुराको बुढीगंगा नगरपालिकामा मेयर र उपमेरसहित सात वडामा नेकपा (एमाले) विजयी भएको छ ।आइतबार आएको अन्तिम मत परिणाममा मेयरमा रामबहादुर बानियाँ र उपमेयरमा माया कुमारी खड्का (कुवँर) विजयी भएका हुन् । मेयरमा विजयी बानियाँले ४,७७७ मत तथा उपमेयरमा विजयी कुवँरले ४,७२७ मत ल्याइन् ।

पराजित कांग्रेसका मेयर उमेदवार रंगबहादुर खातीले ३,७७४ मत ल्याए । उपमेयर उमेदवार रिता शाहले ३,७५५ मत ल्याइन् । उनीहरूलाई गठबन्धनको साथ थियो ।