काठमाडौं उपत्यका लगायतका क्षेत्रमा बिहीवार बिहान पनि वर्षा भएको छ । जल तथा मौसम विज्ञान विभागका अनुसार प्रदेश-१, मधेस, बागमती र गण्डकी प्रदेशका केही स्थानमा वर्षा हुनेछ। यस्तै, कर्णाली र लुम्बिनी प्रदेशका

एक/दुई स्थानमा हल्कादेखि मध्यम वर्षाको सम्भावना रहेको विभागले जनाएको छ।प्रदेश-१, मधेस, बागमती, गण्डकी र कर्णाली प्रदेशमा सामान्यदेखि पूर्ण बदली रही बाँकी भू-भागमा आंशिकदेखि सामान्य बदली रहनेछ।

विभागका अनुसार नेपालको पूर्वी भू-भागमा मनसुनी वायुको सामान्य प्रभाव रहेको छ। मध्य तथा पश्चिमी भू-भागमा स्थानीय वायु तथा भारतको उत्तर प्रदेश र बिहारमा रहेको पूर्व-पश्चिमी न्यून चापीय रेखाको प्रभाव रहेको विभागले जनाएको छ।