सत्ता साझेदार दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले संसद्बाट एमसीसी सम्झौता अनुमोदन भएपनि सत्ता गठबन्धनमा देखिएको सबै समस्याहरू समाधान भइनसकेको बताएका छन् ।

पार्टीको शुक्रबारबाट सुरु भएको केन्द्रीय समिति बैठकमा बोल्दै प्रचण्डल‍े एमसीसी अनुमोदनका लागि गरिएको ‘व्याख्यात्मक घोषणा’ उपयुक्त कदम भएको बताएका छन् ।
बैठकपछि सञ्चारकर्मीहरूसँग कुराकानी गर्दै नेता देव गुरुङले अध्यक्ष प्रचण्डलाई उद्धृत गर्दै ‘व्याख्यात्मक घोषणा’ले सबै चुनौतीहरू समाधान गर्न नसक्ने बताए ।“चुनौतीहरू छन्, सबै हल भइसक्यो भन्ने हैन । तत्कालका लागि एउटा स्टेप अघि बढेको हो । समस्याहरू फेरि पनि छन्,” प्रचण्डलाई उद्धृत गर्दै उनले भने, “निर्वाचनसम्म यो गठबन्धबाटै अघि जानुपर्छ ।