नेपाली राष्ट्रिय क्रिकेट टोलीको फिल्डिङ कन्सल्टेन्टमा रघुराम श्रीनिवास नियुक्त भएका छन्। विश्वकपको ग्लोबल क्वालिफायर्सको तयारीका लागि नेपाली टोली अहिले प्रशिक्षणमा छ।नेपाली टोलीका मुख्य प्रशिक्षक पुबुदु दासानायकेसँग अमेरिकामा रहँदा सँगै काम गरेका उनी ए लेभलका भारतीय प्रशिक्षक भएको नेपाल क्रिकेट संघ (क्यान)ले जनाएको छ।

कोच रघुले मसँग अमेरिकामा छँदा पनि सहकार्य गरेका थिए। उनले फिल्डिङमा नेपालको कमजोरी रहेको केही क्षेत्रमा राम्रो काम गर्न सक्नेछन्। छोटो सूचनाको भरमै महत्वपूर्ण समय दिएकोमा कृतज्ञ छु। प्रशिक्षक पुबुदु दासानायकेले भनेका छन्।

श्रीनिवास आइतवार नेपाल आइपुगेका थिए।