नेकपा एमालेका नेता योगेश भट्टराईले सभामुखको भूमिका निष्पक्ष नभएकाले बाध्य भएर एमालेले संसद् अवरोध गर्नुपरेको बताएका छन् । ‘संसद्मा सत्तापक्ष, प्रतिपक्ष र सभामुख हुन्छन् । सभामुख सत्तापक्षको पनि होइन, प्रतिपक्षको पनि होइन, संसद्को नेता हो,’ एमाले स्थायी समिति बैठकपछि भट्टराईले भने,‘उहाँले संसद्को नेताको रूपमा भन्दा सत्तापक्षको सदस्यको रूपमा ज्यादा भूमिका खेल्नुभयो ।

पदीय आचरणविपरीत नेकपा एमालेको विभाजनमा भूमिका खेल्नुभयो भन्ने हाम्रो टिप्पणी छ र यो आम टिप्पणी हो । त्यसमा उहाँले चित्त बुझ्दो जवाफ दिनुभएको छैन ।’संसद्लाई सहज बनाउने काम सत्तापक्षको रहेको र सभामुखले यसमा सहजीकरणको भूमिका निभाउनुपर्ने भट्टराईले बताए । ‘संसद्लाई सहज बनाउने काम सत्तापक्षले गर्छ र त्यसको सहजीकरण सभामुखले गर्छ ।
अहिले सभामुखले अचम्म लाग्छ कि प्रमुख प्रतिपक्षी दल संसद्को सबैभन्दा ठुलो दल पनि हो । यो लोकतान्त्रिक अभ्यासमा पोख्त पार्टी हो एमाले, यस्तो पार्टीसँग संवादमा आउन चाहनु भएको छैन,’ भट्टराईले भने,‘सभामुखले त संवाद गर्नुप–यो । हाम्रो दलका नेतासँग र पदाधिकारीसँग छलफल गर्नुप–यो । के गर्नुपर्ने भनेर सोध्नुप–यो कार्य व्यवस्था समितिको कुनै बैठक छैन, सिधै लगेर एजेन्डा हालेको छ ।